April 1st duniya bhar me April Fools’ Day ke roop me manaya jata hai. Yeh din mazedaar pranks aur hansi-masti se bhar hota hai! Log apne doston aur parivaar walon ke saath chhoti-moti shararatein karte hain aur jab samne wala prank me fas jata hai, toh zor se chillate hain – “April Fool!”
April Fools’ Day ki Itihaas Aur Shuruaat
Yeh din pichle kai sadiyon se alag-alag cultures me manaya jar aha hai, lekin iska asal origin ab tak ek Rahasya hi bana hua hai!
Ek theory yeh kehti hai
1582 me France ne Julian Calendar se Gregorian Calendar adopt kiya, jisme New Year 1st January ko mana jane laga.
Jo log purane calendar ke mutabik April 1 ko New Year celebrate karte rahe, unka mazak udaya gaya aur unhe “April Fool” kaha gaya.
Dusri theory ke mutabik
Ancient Roman festival “Hilaria” jo March 25 ko manaya jata tha, April Fools’ Day ka inspiration ho sakta hai.
Is festival me log naye naye roop dharan karke dusron ka mazak udate the jo aaj ke pranks se milta-julta lagta hai.
Scotland Me April Fools’ Day Do Din Tak Mana JataT ha!
1 Pehle din – “Hunting the Gowk” (logon ko jhooti errands par bhejna)
2 Dusre din – “ Tailie Day” (logon ki pith par funny notes chipkana)
England me 1686 me is din ka pehla likhit mention mila, aur 18th century tak yeh Britain me popular ho gaya!
Kaise Manaya Jata Hai April Fools’ Day?
Chhoti-moti shararatein karo jo bina kisi nuksan ke sirf hasi-masti ke liye ho!
Media aur TV channels bhi funny news ya prank stories dikhate hain.
Yeh din hume life me hasi-masti ki importance yaad dilata hai.
Lekin dhyan rahe!
Aise pranks na karein jo kisi ki feelings ko heart karein.
Fake news ya misingormation failane se bachein, kyunki mazak aur afwaah me farak hota hai.
April 1 : EK Din Sirf Hassne ka!
April Fools’ Day ek mauka hai humein apni busy life se ek break lene ka aur thodi masti karne ka! Yeh din bas ek hi baat yaad dilata hai – “Haste Raho, Muskurate Raho!”
