Wellington mein khele gaye teesre T20I mein Australia ne T20 world champions New Zealand ko 8 runs se hara kar series ko 3-0 se apne naam kar liya. Match ka turning point New Zealand ki ghatiya fielding rahi jisme unhone Georgia Voll ko 6 baar drop kiya!
Match Highlights:
Australia: 180/4 (20 overs) – Voll 75 (56), Perry 32* (19)
New Zealand: 172/8 (20 overs) – A. Kerr 66 (47), Green 62 (32)
Player of the Match: Annebel Sutherland (4/35)
Match ke key moments:
Voll ko 6 baar chhoot mili!
New Zealand ki fielding aaj bahut kharaab rahi. Georgia Voll ki pehle over se hi lagatar chances mile, lekin kiwi team ne use 6 baar chhod diya! Voll ne iska poora fayda uthate hue 75 runs ki brilliant innings Kheli. Match ke baad unhone mazak mein kaha, “Main lottery ticket khareedne jar ahi hoon!
Green-Kerr ki dhamakedaar partnership
New Zealand 54/4 ke crisis mein phas gaya tha, lekin Maddy Green (62 off 32) aur Amelia kerr (66 off 47) ne 99 runs ki record partnership se match ko dobara exciting bana diya. Green ne ana pehla T20I fifty banaya aur 5 chhakke maare.
Sutherland-Warenham ki zabardast fielding
19th over mein Annabel Sutherland ne 3 wickets jhade, jabki Georgia Wareham ne Green ko brilliant run out karke match ka rukh mod diya.
Megan Schutt ka historical record
Megan Schutt T20I cricket mein 150 wicket lene wali pehli women’s bowler ban hayi!
New Zealand ko kya bhugatna pada?
Voll ko 6 baar drop karne ki bhari keemat chukani padi
Brooke Halliday ki injury ne team ko aur piche dhakela (who batting nahi kar payi)
Slow over rate ki wajah se last over mein ek extra fielder andar rakhna pada, jisse Australia ko 15 runs mile
Kya Kaha players ne?
Georgia Voll: “Main lucky mehsoos ki…. Shayad lottery ticket le loon!”
Annabel Sutherland: “Team ke liye jeet important thi. Humme pressure mein achha perform kiya.”
Australia ne ek baar hir dikha diya ki who pressure mein bhi jeetna jaanti hai. Wahi, New Zealand ko apni fielding par serious kaam karne ki zaroorat hai.
