Bachpan mein badhta motaapa: Savitri Thakur ne Poshan Pakhwada 2025 ke dauraan ki badi chinta vyakt|
New Delhi: Union Minister Savitri Thakur ne Poshan Pakhwada 2025 ke shubharambh ke dauraan ek important message diya – “Sirf undernutrition nahi, over-nutrition aur bachon mein motaapa bhi badi samasya ban chuda hai.”
Oily Khana unhealthy snacks – Bachpan ki sehat par bada asar
Thakur jo ne kaha ki aajkal ke bachehe zyada tel-wala aur non nutritive food khate hain. Yeh sirf unka weight hi nahi badhata, balki kai diseases ka bhi risk le aata hai. Nutrition ka matlab sirf kamzor bachche nahi, ab motaapa bhi ek bada challenge ban gaya hai.”
Suposhit Bharat ki taraf ek aur kadam – Poshan Pakhwada ka 7th edition
Is baar ka Poshan Pakhwada, yaani ki 2 week ka nutrition awarness campaign, ka goal hai:
Har maa aur bacha poora poshan paye
Koi bacha bhooka na soye
Har parivaar ko health services mile
Community aur bahit changes ki zarurat hai
Thakur ji ne community participation pe zor diya. Unka kehna tha ki aadatein badalna zaroori hai, sirf gyaan dena kaafi nahi. Healthy eating, regular physical activity, aur awarness sab milkar motaape se ladne ka solution ban sakte hain.
Unhone kaha: “PM Modi bhi baar baar iss issue par chinta jata chuke hain. Humein milkar kaam karna hoga – healthy khana, regular khelna, aur sabko zaroori poshan dena.”
Ab tak ho chuki hain 100 crore awareness activities
2018 mein jab se Poshan Abhiyaan launch hua hai. Tak se lekar ab tak 100+ crore awarness activities ho chuki hain. Iss baar bhi Anganwadi workers aur state officials ghar ghar jaa kar logon ko samjhayenge, referrals denge, aur Poshan Tracker ke rules follow karne ke liye motivate karenge.
Is Baar ka poshan Pakhwada ke 4 key focus areas:
1 Pehle 1000 din ka nutrition – maa ke garbh mein bachpan ka poshan
2 poshan Tracker ka citizen module
3 Community Based Management of Malnutrition (CMAM)
4 Healthy lifestyle promote karna – taaki bachon mein motaapa control ho
Union Minister Annpurna Devi bhi pakhwada ke dauraan Arunachal Predesh jaane wali hain to ground pe jaake initiatives ka review karein.
Ek Rashtriya Movement ban raha hai Poshan Abhiyaan
Mission Saksham Anganwadi aur Poshan 2.0 ke under, Poshan Pakhwada ab health, education, rural development aur Jal Shakti ministries ke saath milkar Jan Andolan ban gaya hai – jisme har citizen ka role zaroori hai.
Kya seekh hai?
Nutrition sirf gareebi ya kamzor bacho ka mudda nahi hai. Aaj ke time mein overeating aur unhealthy food bhi ek badi problem ban chuki hai. Isliye zaroori hai ki hum sab milkar healthy lifestyle apnaayein, aur har maa aur bache ka poshan sunischit karein. Aap bhi iss Poshan Pakhwada mein participate karo, awarness spread karo, aur ek Suposhit Baharat banana mein apna yogdaan do.
