Bengaluru FC Goa ko 2-0 Se Harakar Semifinal Me Banayi Badi Pakad|

Bengaluru FC ne Indian Super Leagur (ISL) ke first leg semifinal me FC goa ko 2-0 se harakar apna dum dikhaya. Yeh match Wednesday ko Bengaluru me khela gaya aur Blues ab second-leg match me 2-0 aggregate ke saath advantage me hain.

Bhale hi Bengaluru FC ke pass sirf 42.2% ball possession tha, lekin unka attack zyada dangerous laga, kyunki unhone 5 on target shots mare.

Match ka Pehla Ahem Pal – Udanta Singh ka Attack

27^th minute me, Odei Onaindia ne Bengaluru FC box ke andar ek free kick recive ki aur header ke through Udanta Singh ko pass diya. Udanta ne ek dinked shot maara, jo goal ke pass block ho gaya. Yahan FC Goa ke liye ek bada warning sign tha.

Bengaluru ka Pehla Goal – Sandesh Jhingan ka Own Goal (42’)

42^nd minute me Edgar Mendez ne ek tagdi cross mara jo Adam Williams tak pahuchna chahiye tha. Lekin FC Goa ke defender Sandesh Jhingan ne galti se apne hi goal me ball maar di, aur Bengaluru FC 1-0 se aage ho gaya.

Bengaluru FC Ne Lead Badhaayi – Mendez ke Goal (51’)

Second half ke sirf 6 minute baad, Williams ne ek perfect through ball dali Namgyal Bhutia ke liye. Bhutia ne ek low cross mara Mendez ke liye, jinhone easy tap in ke saath ball goalpost ke bottom right corner me daal di.

Score: 2-0 Bengaluru FC

FC Goa Ke Missed Chances

76^th minute me, Aakash Sangwan ne ek zabardast cross mara, lekin Onaindia ka header goal se bohot upar chala gaya. 83^rd minut me, Boris Singh ne ek dangerous shot mara, lekin Gurpreet singh Sandhu no outstretched save karke Goa Ko rok diya.

Second Leg Se Pehle Kya Lagega FC Goa Ko?

FC Goa ko agla match jeetne ke liye zabardast comeback karna hoga warna Bengaluru FC final me pahunch jayegi. Kya Goa yeh kar ayegi ya Bengaluru apni lead ko aur badhakar match dominate karegi?

Apni prediction comment section me batao.