Chhorii 2 OTT Release: Nushrratt Bharuccha Wapas Horror Mood Mein, April 11 Se Amazon Prime Video Par|
Director Vishal Furia wapas aa gaye hain apne spine chilling horror franchise Chhorii ke sequal ke saath. Nushrratt Bharuccha fir se Chhorii 2 ke lead role mein hongi, aur yeh movie 11 April 2025 se Amazon Prime Vedeo par stream hogi.
Chhorii 2 – Horror + Social Message Ka Comba
Director Vishal Furia ka Kehna Hain ki Chhorii ki story tab shuru hui jab who apni Marathi horror film Lapachhapi lekh rahe the. Us time par unhone female infanticide (ladkiyon ka Janam se pehle ya baad mein maar dena) ke shocking statistics padhe, aur who in data se hil gaye.
Unhone kaha: “Main ek horror story likh raha tha, aur who social issue organically usme aa gaya. Jab maine stats padhe, toh who horror se bhi zyada darawne the,”.
Horror Hi Kyun?
Furia maante hain kihorror genre best hai is tarah ke sensitive topics ko dikhane ke liye, kyunki iska impact lamba hota hai.
“Horror logon ke dimaag mein chhapa reh jaata hai. Jab aap kisi social evil ko horror ke zariye dikhate ho, toh who bhoolte nahi,” – Vishal
Chhorii 2 Mein Kya Naya Hai?
Vishal Furia ka Kehna hain ki second part mein bhi ek naya social evil dikhaya gaya hai, jo women se related hai.
“India mein aur bhi bahut saare social rituals aur practices hain jo galat hain. Chhorii 2 usi mein se ek aur issue ko explore karegi.”
Vishal Furia Ki Horror Ki Duniya
Unka kehna hai ki horror ka creative process bahut pasand hai – Darawni atmosphere banana aur Eerie charecters design karna. Technical cheezon jaise sound, lights, shots, camera angles pe kaam karna.
“Mujhe horror world banana pasand hai. Jab sab elements milte hain – writing, direction, sound – tak real horror banta hai.”
Future Mein Comedy Bhi Banana Chahte Hain
Vishal sirf Horror director hi nahi banna chahte. Unhone kaha ki who comedy genre bhi explore karna chahte hain.
“Bollywood mein aaj kal aacchi comedy films nahi ban rahi hain. Toh main kuch naya try karna chahta hoon”
Bollywood Mein Typecast Hone Ka Gila
Vishal ne yeh bhi bataya ki unko mostly horror ya thriller projects ke liye hi approach kiya jaata hai, aur dusre genres mein rarely chances milte hain.
“Log mujhe sirf horror director ke roop mein dekhte hain. Comedy, fantasy, ya biographies ke liye mujhe consider nahi karte. Lekin main har genre mein kaam karne ke liye ready hoon.”
Chhorii 2 sirf ek horror movie nehi hai, balki yeh ek mirror hai society ke dark issues ka. Agar aapko meaningful horror films pasand hain, toh ye film aapke watchlist mein honi hi chahiye.
