IPL 2025 mein Chennai Super Kings (CSK) ka haal kuch khaas nahi chal raha hai. CSK jo 5 times champions is waqt points table mein botto pe hain, aur unke star captain Ruturaj Gaikwad elbow fracture ke kaaran poore season se bahar hog aye hain. Ab team ne ek young aur talented player Mumbai ke opner Ayush Mhatre ko unka replacement chuna hai.
Kaise Hua chunav?
Reports ke mutabiq, CSK ne Saturday ko late night decision liya ki Ayush Mhatre ko team mein liya jaayega. Ayush ka auction mein Base prise Rs 30 lakh tha, but unhe koi teams ne nahi liya tha. Ab CSK ne unhe urgently join karne ko kaha hai, but who squad se 1-2 din baad hi jud payenge. CSK source ke mutabik “who kuch hi dinon mein Mumbai mein squad se judenge.” Is waqt CSK ki team Lucknow mein hai jahan unka agla match Monday night ko Ekana Stadium mein hoga. Iske baad unka match 20 April ko Mumbai Indians ke against Wankhede Stadium mein hoga.
Mhatre ko Kyun Mila Mauka?
CSK ne Ayush ke alawa kuch aur players ko bhi trial ke liye Chennai bulaya tha – Urvil Patel, Salman Nizar, aur even Prithvi Shaw bhi race mein the. Lekin management ne finally Ayush Mhatre par bharosa dikhaya.
Kaun Hai Ayush Mhatre?
Ayush jo only 17 saal ke hain, lekin Mumbai ke cricket circuit mein unka kaafi naam hai. Unhone:
9 first class matches mein 504 runs banaye hain (2 centuries + 1 fifty)
7 List A games mein 458 runs banaye hain (2 centuries)
Unka first class debut October 2024 meinhua tha aur tab se hi log keh rahe hain ki “ye ladka India Material hai”.
CSK ko Kya Umeed Hai?
CSK abhi tak sirf 1 match jeet paayi hai, aur lagataar 5 haar ke baad team desperate hai kisi naye match winner ke liye. Ayush ke aane se team ko ek fresh energy aur new hope mil sakti hai – aur shayad MS Dhoni ke mentorship mein yeh youngster apna jalwa dikhaye.
