Dilli walo, taiyaar ho jaaiye. India Meteorological Department (IMD) ne 24 se 26 April tak ke liye yellow alert jaari kiya hai. delhi mein severe heatwave ke asaar hain. 41°C se 43°C ke beech rehne ka anuman hai, jo ki aam taur par normal se 2-4°C zyada hai.
Mercury Chadh Raha Hai
Tuesday ko halka relig mila tha jab maximum temperature 39.9°C raha, but Wednesday se phir se garmi ka graph upar chadhne wala hai. Monday ko to is season ka sabse garam din rah jab temperature 41.3°C tak pahuch gaya tha. Aur minimum temperature Tuesday ko 20.9°C tha.
IMD ka kehna hai: “Agle paanch dinon mein maximum temperature 2-3°C tak aur badh sakta hai. Thursday se Saturday tak garmi apne peak par rahengi.”
Health Alert: Suraksha Sabse Zaroori
IMD ne logon se caution baratne ki salah di hai, khaaskar: Bachchon, Buzurgon aur chronic illness se jujh rahe logon ke liye ye garmi aur bhi khatarnak ho sakti hai.
Direct dhoop se bachein, Hydrated rahen paani, nimbu paani, Ors aur Topi ya chhata ka istemal karein jab bhi bahar niklein. April 7 se 9 tak dilli ne teen din ki heatwave jheli thi, jab Safdarjung station par har din temperature 40°C se upar tha.
Saans Lena Hum Mushkil – AQI Poor Category Mein
Garmi ke saath saath hawa bhi saaf nahi hai. Tuesday ko Delhi ka AQI 227 raha, jo ki “Poor” category mein aata hai. Monday ko yeh 205 tha. IMD ka kehna hai ki 25 April tak AQI aisa hi bana rehne ka anuman hai.
