Employees Provident Fund Organisation (EPFO) ne auto settlement advance claim (ASAC) limit Rs 5 lakh tak badhane ka plan banaya hai. Pehle yeh limit sirf Rs 1 lakh thi, lekin ab isse badhane ki tayari ho rahi hai.
March 31 ko ANI ki report ke mutaabik, Ministry of Labour and Employment ki Secretary Sumit Dawra ne pichle hafte 113th Executive Committee (EC) meeting mein is proposal ko approve kar diya. Yeh meeting Srinagar mein 28 March ko hui thi jisme EPFO ke Central Provident Fund Commissioner Ramesh Krishnamurthi bi shaamil the.
Ab yeh recommendation Central Board of Trustees (CBT) ke approval ke liye bheji jayegi. Approval milne ke baad, EPFO members Rs 5 lakh tak ka PF auto mode mein claim kar sakenge!
EPFO Auto Claim Kya Hai?
EPFO ne April 2020 mein pehli baar auro claim settlement start ki thi jisme Rs 50,000 tak ka advance illness claim apply kiya ja sakta tha. May 2024 mein yeh limit Rs 1 lakh tak badha di gayi thi.
Pehle EPFO members sirf illness ya hospitalisation ke liye advance PF withdrawal kar sakte the. Lekin ab auto-mode settlement education, marriage aur housing ke liye bhi available hai!
EPFO Claim Rejection Kam Hua!
Pichle saal EPFO claim rejection rate 50% tha, 30% ho gaya hai. Auto claim solution mein claims IT system automatically process karta hai, bina kisi human interference ke.
KYC aur eligibility verification bhi 27% se 18% ho chuka hai, aur naye plans ke mutaabik ise 6% tak kam karne ki tayari hai.
Claim Settlement Fast Ho Gaya Hai!
Government ne EPFO member database ko centralized aur IT – enabled banana par kaam shuru kar diya hai. Jin claims mein KYC, eligibility aur bank details sahi hoti hain, wo automatically IT tools ke through process ho jaate hain.
Pehle PF claim settlement 10 din lagta tha ab yeh sirf 3-4 din mein ho jata hai!
Aapko Kya Karn Chahiye?
Agar aap EPFO ke member hain aur PF withdrawal ka plain bana rahe hain, toh apni KYC aur bank details update rakhna zaroori hai. Jaldi approval ke liye auto-mode claim ka use karein aur bina kisi dikkat ke apna paisa withdraw darein!
