19 Marc, Wednesday ko Garen Reach Shipbuilders & Engineers Ltd. Ke shares mein 20% tak ki tezi dekhi gayi, jissse ye stock Nifty 500 index ka top gainer ban gaya. Iske saath hi, dusre defence stocks bhi apne day’s high levels tak pahunch gaye. Ye movement Germany ked defence spending package ke announcement ke baad aaya hain.
Stock Market Update: Top Gainer
| Company | Value (₹) | Change (₹) | % Change |
| Garden Reach Shipbuilders | 1641.35 | 273.55 | 20.00% |
| Vibhor Steel Tubes | 155.83 | 25.97 | 20.00% |
| KSolves India | 410.55 | 68.40 | 19.99% |
| Asian Energy Services | 287.41 | 46.67 | 19.39% |
| Sindhu Trade Links | 19.08 | 3.09 | 19.32% |
Germany Ka Defence Spending Package
Germany ke lawmakers ne Tuesday ko ek bada defence spending package pass kiya, jisse defence budget ko debt ceiling se alag kiya gaya hai. Ab, Germany ka defence spending, jo GDP ka 1% se Zyada hai, constitutional borrowing restrictions se free ho jayega.
Germany ke chancellor Friedrich Merz ne kaha ki ye step ek “first great step” hai, jiska maqsad Uk aur Norway jaise non EU countries ko milakar ek broad European defence community banana hai.
Europe ke coutries ab “rearm Europe” program par kaam kar rahe hain, taaki wo kisi bhi potential Russian aggression se apne aap ko protect kar saken.
India Ka Defence Exports Badha
India ke defence exports financial year 2024 mein Rs 21,000 crore tak pahuch gaye, jo pichle saal se 32.5% ka growth hai. India ab 100 se zyada countries ko defence equipment export kar raha hai, jisme top 3 distinations hain:
1 United States (US)
2 France
3 Armenia
