GATE 2025 Result: IIT Roorkee Ne Result Jari Kar Diyaa!|
Indian Institute of Technology (IIT) Roorkee ne GATE 2025 ka result officially declare kar diya hai. Jinhone ye exam diya hai, ve apna result official website — gate2025.iitr.ac.in par check kar sakte hain.
GATE 2025 exam 1,2,15, aur 16 February ko hua tha, jisme total 30 test papers the. Provisional answer key 27 February ko jari ki gayi thi, aur candidates ko 1 March 2025 tak objections rise karne ka mauka diya gaya tha.
Exam mein 3 tarah ke questions the:
Multiple Choice Questions (MCQs)
Multiple Select Questions (MSQs)
Numerical Answer Type (NAT) questions
Ye questions candidates ke knowledge aur problem solving skills ko test karne ke liye design kiye gaye the.
GATE Scorecard ke Details
GATE scorecard mein ye important details hongi:
Candidate ka Naam aur Photo: Identification ke liye.
GATE 2025 Registration Number: Registration par mila unique ID.
Exam Paper aur Code: Attempt kiye gaye subject ka code.
Marks Obtained: 100 mein se mila score (rae ya normalized).
GATE Score: Final score, performance ke hisab se.
Qualifing Marks: Paper ke liye minimum required marks.
Validity: Scorecard 3 saal tak valid rehega.
All India Rank (AIR): Us paper mein saare candidates ke beech rank.
Score Calculation Kaise Hota Hai?
GATE exam ke scores ka calculation exam ke format par depend karta hai:
Single – session exams mein, raw marks ke hisab se score calculate hota hai.
Multi – session exams mein, fairness ke liye raw marks ko normalize kiya jata hai.
Final GATE Score, normalized ya raw marks aur qualifying marks ke hisab se calculate hota hai.
Important Note:
Candidates ko official website se connected rehna chahiye taaki GATE 2025 recruitment process se related detailed information milti rahe.
