Hindustan Unilever Ltd (HUL) – jiske products har ghar mein milte hain jaise Dove, Lipton, surf Excel – ne apne Q4 FY25 ke results declare kiye, aur company ka kehna hai ki urban-rural dono demand mein recovery dikh rahi hai. agle kuch quarters mein investments aur bhi bdhane ka plan hai, kuunki tax rebates, low interest rates, aur food inflation kam hone se spending badhne ki sambhavana hai.
CEO Rohit Jawa Ka Vision: Rural aur Urban Dono engines Ko Full Throttle Pe Laya Jayega
“Rural demand resilient hai, aur urban bhi improve kar raha hai. Agle 3-6 mahine mein dono markets mein momentum wapas aayega,” – Rohit Jawa, CEO & MD, HUL. HUL ab volume led growth pe focus karega, Rural Customers ke liye value packs, accessible pricing ka strategy aur small pack sales mein rise dikha, jo rural demand ke boost ka signal hai.
Premium Products Ka Slowdown? Jawa Kehte hain – Long Term Picture Bright Hai
“Thoda sa premium growth slow hua hai kuch quarters mein, lekin long term mein India consumer hamesha upgrade karna chahta hai.” ab short term hiccups ke bawajood, HUL ka long term premiumisation plan ab bhi strong hai.
Portfolio Transformation Pe Zor – Innovation aur Acquisitions Se HUL Tayyar Hai Future Ke Liye
FY25 mein: High growth segments mein naye innovations aur Minimalist jaisi D2C brand ko acquire kiya. Pureit ko divest kiya aur Future channels mein investments badhaye. Yeh perfect time hai growth ke liye investments karne ka,” CEO Jawa ne kaha.
Q4 FY25 Results – Thoda Mixed, par Overall Theek – Thaak
- Standalone Net Profit: ₹2,493 crore (3.7% YOY growth)
- Standalone Revenue: ₹15,214 crore (2.4% YOY growth)
- Consolidated Net Profit: ₹2,464 crore (3.7% decline YOY)
Volume Growth: 2%
Sales Growth: 3%
Street estimate ₹2,470 crore tha – toh HUL ne thoda outperform kiya.
Final Dividend: ₹24/share
Total FY25 Dividend: ₹53/share (₹19 interim + ₹10 special)
Read More: Syngene Ke Q4 results ke baad stock mein 10% ki girawat – FY26 guidance se investors ko jhatka.
Segment wise Performance
Personal Care: Profit up to 5%, Bodywash ne double digit growth dikhayi aur Skin cleansing thoda slow raha.
Home Care: Revenue 5,815 crore aur premium fabric wash aur conditioners ne outperformance dikhayi.
Beverages: Tea ne low single digit growth dikhayi aur Coffee ne double digit growth continue rakhi.
Foods: Profit down 15% to Rs 627 crore aur Tea cost inflation 20% aur high input costs ne margin pressure dala. “Humme inflation se kam pricing ki hai taaki competitiveness bani rahe,” CFO Ritesh Tiwari ne kaha.
