Intel ne is hafte apne staff ka 20% tak hataane ka faisla liya hai, jaisa ki Bloomberg ki report mein bataya gaya hai. yeh layoffs bureaucracy ko hataane, management ko streamline karne, aur ek engineering focused culture ko dobara banana ke liye kiye ja rahe hain. Yeh naye CEO Lip Bu Tan ke leadership mein pehli badi chhantni hai, jo pichle mahine hi company ke top post par aaye hain. Abhi tak exact number of impacted employees ya fir layoffs ka timing confirm nahi hua hai lekin yeh chhantni duniya bhar mein hazaaron logon ko affect kar sakti hai.
Pichhle Layoffs Se Bhi Bade?
Kuch hafte ehle reports aayi thi ki Intel ek aur bade layoff ki planning kar raha hai. agar yeh current layoffs plan ke mutabik hote hain, toh yeh August 2024 ke layoffs se bhi bade honge jab company ne apne kareeb 15% workforce ko nikaala tha.
CEO Lip-Bu Tan Ka Vision
Tan, jo pehle Cadence ke CEO the, aur Intel ke board member bhi reh chuke hain, ab Intel ko wapas engineering ke core par le jaane ki koshish kar rahe hain. Reuters ke mutabik, unka plan hai company ki AI strategy aur chip manufacturing ko completely overhaul karne ka. Unka kehna hai ki Intel mein kaafi layers of middle management hai jo kaam mein slow aur inefficient hain inhi ko target kiya ja raha hai.
Intel ki Struggle: Pichhle Kuch Saalon Ka Hal
Intel ne 2024 mein $19 billion ka annual loss report kiya tha 1986 ke baad se pehla aisa loss. Company ne Nvindia aur Arm jaise competitors ke saamne AI chips ke segment mein market share kho diya hai. Tan ka focus ab hai engineers ko empower karna, innovation ko encourage karna, aur customers ka trust dobara jeetna.
Tech Industry Mein Layoffs Ka Trend
Only Intel hi nahi, balki poori tech industry 2025 mein bhi layoffs ka saamna kar rahi hai. Layoffs.fyi ke data ke mutabik, ab tak 93 companies ne 23,500 se zyada employees ko jab se nikala hai. google, Microsoft, Meta, TikTok, Ola Electric aur Siemens jaise bade naam bhi is trend ka hissa hain.
Read More: Delhi Mein Garmi ka Kahar: IMD Ne Heatwave ke Liye Yellow Alert Jaari kiya.
Google ne apne Platform and Devices division mein, aur Microsoft ne May mein naye layoffs ki planning ki hai focus hai middle management ko kam karna aur engineer to manager ratio badhaana. Yeh sab AI led restructure aur performance based firings ka naya daur hai jaisme har company efficiency aur speed ke peeche bhaag rahi hai.
