Karnataka ki Sanjana Bai ne Arts stream mein macha diya dhamaka – 597/600 ke saath state topper bani|

April 8 ko jaise hi PU (Pee-University) exam ke results declare hue, Karnataka ke Vijayanagara district ke chhote se town Kottur ka Indu Pu College Khushi se jhoom utha. Kya wajah thi? Is college ki student L.R. Sanjana Bai ne Arts stream mein 597/600 marks le kar Karnataka topper ban gayi. Yeh koi aam baat nahi thi. Sanjana ne na sirf state top kiya, balki apne college ki bhi all time highest scorer ban gayi. Aur sabse khaas baat? Yeh 10^th year hai jab Indu PU College ne Arts stream mein top position hasil ki hai. Wah!

2^nd aur 9^th rank bhi isi region ke naam – talent toh chhupa hua tha

2^nd Rank gaya K. Nirmala ko, jo Sri Panchamasali PU College (Itagi) ki student hain – 596/600 marks.

Aur 9^th Rank mila Gautami B. ko – wahi Indu PU College, Kottur ki student – 591/600 marks.

Dono hi colleges ek hi parent institution ke under chalte hain. Toh clearly, yeh sirf students ka nahi, poore system ka success story hai.

“Hard work hi asli magic hai” – Principal ka powerful message

Indu PU College ke principal, Mr. Vagishayya ne bataya ki yeh success kisi shortcut ka result nahi hai, balki dedicated hard work ka nateeja hai.

No Festivals, no Chhtti – sirf padhai ka dedication

Is residential college mein students ghar tak nahi jaate, na hi festivals ke liye.

Teachers aur students dono milkar syllabus December tak complete kar lete hain.

Uske baad shuru hota hai revision + 13 preperatory exams ka Silsila.

Har test ke baad teachers students ke saath baithkar feedback dete hain, aur improvement points discuss karte hain.

Mr. Vagishayya kehte hain: “Hamare yahan na students ko chhutti milti hai, na teachers ko pura focus sirf ek cheez par hota hai – better results, better future.”

Kya seekh Milti hai?

Sanjana, Nirmala aur Gautami ki kahani ek inspiration hai – yeh dikhata hai ki agar system strong ho, teachers committed ho, aur studints mehanati ho, toh koi bhi backgrouns matter nahi karta. Yeh blog un sab students ke liye motivation hai ho soch rahe hain ki “Main nahi kar sakta” – kyunki agar kottur ke ek chhote se gaon ki ladki 597 la sakti hai, toh aap bhi kar sakte ho.