Lionel Messi ka frustration ab khulkar dikhne laga hai aur Inter Miami ki behaal form Sunday ko ek aur nayi giraawat ke saath jaari rahi jab unhe Florida derby mein Orlando City ne unke hi ghar mein 3-0 se hara diya. Is defeat ke baad Miami ke halat Eastern Conference mein aur kharab ho gayi hai – ab wo 6th spot par aa gaye hain, but Orlando unhe peeche chhod chuka hai.
Simple Goal Se Orlando ki Shuruaat
Match ke 43rd minute mein Orlando ne ek bahut hi aasaan goal se lead le li. Goalkeeper Pedro Gallese ne seedha ek long ball bheja, aur Luis Muriel ne Miami ke defense ko chakma dekar goalkeeper Oscar Ustari ke paon ke beech se ball goal mein daal diya.
Miami ka Defense Barbad
Orlando baar baar direct long balls ke zariye Miami ke defense ko tod raha tha. Marti Ojeda ek baar goal ke bilkul saamne the, but unka shot crossbar ke upar chala gaya. Miami ke veteran goalkeeper Oscar Ustari ne ek shandar double save kiya pehle Alexander Freeman aur phir Ojeda ke rebound shot ko roka. But dusra goal unki badi galti se hua jab Marco Pasilic ke low shot ko wo na baath se rok paaye, na pair se – ball unke beech se nikal gaya.
Mascherano ka Aggressive Move Bhi Beasar
Miami ke coach Javier Mascherano ne match ke daruan kai attacking players ground par bheje lekin usse bhi kuch faida nahi hua. Injury time ke chouth minute mein Duncan McGuire ne left flank se ek zabardast run liya aur unka low cross Inceland ke Dgur Thorhallsson ne tap in karke Orlando ki jeet pakki kar di.
Inter Miami ka Recent Form – Alarming
- Last 7 games: only 1 jeet
- Goals conceded: 20
- Goals scored: 11
- Akeli jeet: 3 May ko New York Red Bulls ke khilaf
Is game mein Lionel Messi ne pura match kehla, but unka impact bahut kam tha – Only 2 shots on target the unke naam.
