Man City ko Mila Apna khoya Hua Josh: Guardiola ki Team FA Cup Semi-final Me|
Manchester City ke manager Pep Guardiola ne kaha ki unki team ne apna khoya hua “heart & soul” wapas pa liya hai, ab unhone Bournemouth ko 2-1 se hara kar Lagataar saatvi baar FA Cup semi-final me jagah bana li.
FA Cup semi-final me ab Mac City ka samna Nottingham Forest se hoga. Is jeet me Guardiola ne apni “legendary” trio-kevin De Bruyne, Bernardo Silva aur llkay Gundogan par bharosa dikhaya, jinhone team ko important win dilayi.
Guardiola: “Hume Apna Josh Wapas Mil Gaya”
Guardiola ne match ke baad kaha: “Humne bohot baat ki us league match ki jo hum Bournemouth ke khilaf hare the. Tab se humari team thodi neeche jar rahi thi. Humne un galtiyon ke videos dekhe jo humare standards ke bilkul khilaf the. Ek minimum level hot hai jo har player ko maintain karna hota hai – team ke liye respect, effort dikhana, aur passion. Aaj hume ye sab wapas dikhayi diya.”
Unone ye bhi accept kiya ki is season me Man City ne kai matches average performance diye hai, jo unke usual standard se neeche the. Bournemouth ke against league defeat ke baad team ka moral low ho gaya tha, lekin aaj ki jeet ne City ke andar ek naye josh ka injection diya hai.
“Is Season Me Humari Team ka Josh Kam Tha” – Guardiola
Jab unse poocha gaya ki “team ka heart aur passion pehle missing kyun tha?” toh Guardiola ne mazak me kaha:
“Iska jawab mai apni memoirs me likhunga!”
Lekin fir unhone accept kiya ki season ke beech me unse bhi kuch galtiyan hui jo samay pe sudhari nahi. Pep ne kaha:
“Mai pehle apne aap ko blame karunga. Mujhe kuch decisions lene chahiye the jo maine nahi liye.”
“Is Tarah Haarna Bhi Acceptable Hai”
Pep ne kaha ki agar Bournemouth jeet jata toh bhi unhe koi problem nahi hoti, bas unki team ko ache tareeke se khelte dekhna chahiye tha. Unhone ek aur match ka example diya jo City ne Nottingham Forest ke khilaf haara tha (1-0)
“Us match me humne aaj jaise nahi khela tha. Agar haar bhi milti hai, toh bhi aise khelna pasand karunga.”
Ab Guardiola chahte hain ki season ke end tak Man city apna pura form wapas le aaye auur naye season ke liye strong ho jaye.
