Indian Premier League (IPL) 2025 me MS Dhoni ke retirement ki charcha phir se shuru ho gayi hai, jab unhone RCB ke khilaf match me no. 9 par batting ki. Fans ka manna hai ki yeh unki career ka sabse bada downfall hai, aur ab unhe izzat ke sath retire ho jaana chahiye.
Chennai super Kings (CSK) ne 43 saal ke Dhoni ko retain kiya hai, par is baar IPL me wo uncapped player ke taur par khel rahe hain. Lekin kya yeh sach me unka aakhri season hoga? Chaliye jaante hain!
Kya Dhoni IPL 2025 ke Baad Retire Ho Rahe Hain?
Ab tak Dhoni ne retirement ka koi official announcement nahi kiya hai.
Feb 2025 me ek interview me unhone kaha tha, “main is game ka maza lena chahta hoon jaise apne shuruati dinon me leta tha.” Yeh sunke aisa lagta hai ke who IPL me aur kuch saal khelna chahte hain.
CSK ne unhe sirf Rs 4 crore me retain kiya hai, jo unke purane Rs 12 crore ke salary se kaafi kam hai. Phir bhi unka leadership experience priceless maana jata hai.
Sunil Gavaskar ka kehna hai, “Dhoni ke liye age sirf ek number hai!” Gavaskar kehte hain ki Dhoni ab bhi chhakkay maarne me expert hain aur IPL me kaafi contribute kar sakte hain.
CSK aur Rajasthan Royals ke match ke baad ek video viral hua, jisme BCCI secretary Devajit Saikia ne Dhoni ko ‘IPL 18 Memento’ diya. Is wajah se speculation aur badh gaya ki yeh unka ferwell gift ho sakta hai!
Lekin abhi tak yeh sirf ek rumor hai, koi official confirmation nahi aayi hai.
Fans Ka Reaction: Log Kya Keh Rahe Hain?
Social media par logon ka mix reaction aaya hai. Kuch fans ka kehna hai:
“Dhoni no.9 pe batting kar rahe hain, yeh unki career ka lowest point hai. Unhe grateful retirement lena chahiye!”
“MSD IPL me sirf isliye hai kyunki unki fan following badi hai. Organizers unka naam use karke paisa kama rahe hain!
“Who Bhishm Pitamah ki tarah sirf CSK ke girne ka tamasha dekh rahe hain, unhe top order me khelna chahiye.”
Lekin Dhoni ke loyal fans ab bhi unke saath hai aur kehte hain ki jab tak Dhoni khud announce nahi karte, tab tak kuch bhi confirm nahi hai!
Final Verdict: Kya IPL 2025 Hoga MSD ka Aakhri Season?
Abhi tak koi official statement nahi aaya hai! Yeh sirf fans aur media ki speculation hai.
Agar Dhoni IPL 2026 ke liye bhi continue karte hain, toh who sabse senior active player honge!
CSK ken aye players ke liye unka mentorship bahut valuable hai, isliye CSK unhe ek guiding force ke roop me bhi retain kar sakti hai.
Ab yeh dekhna hoga ki Kya Dhoni IPL 2025 ke Baad officially retirement announce karenge ya ek aur IPL khelne ke liye tayar hain!
Aapko kya lagta hai? Dhoni ko ab retire ho jaana chahiye ya IPL 2026 bhi khelna chahiye? Comment karke bataye!
