Mumbai Indians Ke Talent Scout Ne Phir Sabko Chaukaya, Ashwani Kumar Ka IPL 2025 Debut Jabardast Raha!|

Mumbai Indians (MI) ka talent scouting network ek baar fir IPL 2025 me kamaal dikhane me kaamyab raha. Pehle match me leg-spinner Vignesh Puthur ne apna dum dikhaya tha aur ab MI ken aye left-arm pacer Ashwani Kumar ne apni IPL debut par sabka dil jeet liya!

Ashwani Kumar Ne KKR ki Team ko Hila Diya!

Ashwani kumar ka IPL aur MI ke liye yeh match tha, lekin unhone pehle hi match me 4 bade wickets le kar sabko hila diya. Unki gajab ki bowling ki wajah se Kolkata Knight Riders (KKR) sirf 116 par all out ho gayi.

Punjab ke liye 2 ranji Trophy 3 Vijay Hazari Trophy aur 4 Syed Mushtaq Ali Trophy matches khel chuke Ashwani ke naam kisi bhi formate me sirf 3 wickets the. Lekin IPL me aate hi unhone sabko surprise kar diya!

Ashwani ko Mumbai Indians ke talent scouts ne Sher-E-Punjab Trophy ke dauraan dekha tha, jaha unki wide yourkers dalne ki accuracy sabko pasand aayi thi. Aur MI ka decision bilkul sahi sabit hua!

Ek Ball Se Macha Diya Dhamaka!

Jab MI ke senior bowlers Trent Boult aur Deepak chahar ne KKR ke openers ko pehle hi out kar diya, tab unki Umeed captain Ajinkya Rahane par tikki thi.

Aur tabhi aaya Ashwani ka magic moment!

Apni pehli hi IPL ball par unhone Ajinkya Rahane ko out kar diya! Rahane ne ek wide delivery ko slice kar diya, aur Tilak Varma ne Doosre attempt me catch pakad liya.

11^th over me double strike – Pehle Rinku Singh ko deep point par catch karaya, phir Manish Pandey ko ek zabardast delivery se bowled kar diya.

Agle over me Andre Russell ko bhi bowled kar diya! Russell ek full ball ko samajh nahi paaye aur unki wickets bikhar gayi.

Mumbai Indians ka Talent Search Phir Hit!

Mumbai Indians ka young talent par bharosa ek baar fir sahi sabit ho raha hai. Ashwani Kumar ka yeh IPL debut unhe ek bada star bana dakta hai!

Kya who IPL ka sabse bada surprise package honge? Yeh dekhna ab kaafi exciting hoga!