IFS Officer Nidhi Tewari ko Pradhan Mantri Narendra Moki ki Private Secretary banaya gaya hai. 29 March ko Department of Personnel and Training (DoPT) ne ek order jari kar is appointment ko officially approve kar diya. Yeh faisla turant prabhavi ho gaya hai.
PMO Mein Ek Steady Growth
Nidhi Tewari ne November 2022 mein Prime Minister’s office (PMO) join kiya tha Under Secretary ke roop mein. Sirf 2 mahine baad, January 2023 mein unka Deputy Secretaary ke pad par promotion ho gaya.
Is dauraan unhone foreign aur security affairs jaise important portfolios handle kiye.
Aur ab, unhe PM Modi ki private Secretary banne ke mauka mila hai, jo unke career ke ek naye aur bade padav ka sanket hai.
Nidhi Tewari Ka Background & Career Journey
Nidhi Tewri Uttar Pradesh ke Varanasi district ki rahne wali hain – jo ki PM Modi ka parliamentary area bhi hai. Unhone 2013 ki Civil Services Examination me 96th rank hasil ki thi.
Pehle Varanasi me Assistant Commissioner (commercial Tax) ke roop me bhi kaam kar chuki hain.
Civill Services ki tayari ke dauraan bh unhone government sector me ana yogdan diya.
Diplomacy Mein Ek Mazboot Pakad
PMO join karne se pehle, Nidhi Ministry of External Affairs (MEA) me kaam kar rahi thi.
Who Disarmament & International Security Afairs Division ka hissa thi, jaha unka international relations ka tajurba aur bhi strong hua.
PMO me an eke baad unhone National Security Advisor (NSA) Ajit Doval ke under Foreign & Security Affair vertical me kaam kiya.
Ek Prerna Hai Nidhi Tewari Ki Kahani!
Ek Mehnat, Dedication aur Safalta ki misaal hai Nidhi Tewari ki journey.
Assistant Commissioner se lekar PM Modi ki Privte Secretary tak ka safar unki strong leadership aur determination ko dikhata hai.
Unka foreign & security affairs me tajurba unke naye role me kaafi madad karega.
Unki kahani ek naye sapne aur naye Lakshya tak ahuchne ki Prerna deti hai!
