Actor-filmmaker Prithviraj Sukumaran, jo empuraan movie direct kar rahe hain, ne ek promotional event mein Malayalam cinema par Mohanlal aur Mammootty ke impact ke baare mein baat ki. Unhone kaha ki ye dono legends ab sirf actors ya stars nahi rahe, balki wo Malayali culture ka hissa ban chuke hain. Prithviraj ne kaha,
“Aisa Koi Malayali nahi hai jo Mohanlal ya Mammootty ka fan nah o. Hum unme se kaun better hai, kaun comedy achha karta hai, ye debate kar sakte hain, lekin koi ye nahi keh sakta ki wo inme se kisi ka fan nahi hai.”
Prithviraj ka Mohanlal aur Mammootty ke Saath connection
Prithviraj, jo late actor Sukumaran ke bete hain, ne bhi Mohanlal aur Mammootty ke saath multiple films mein kaam kiya hai. Unhone apne personal life par in actors ke impact ke baare mein batate hue kaha,
“Hum cinema mein isliye hain kyunki Mohanlal aur Mammootty ne inspire kiya. Main unki tarah baat karna aur chalna chahta tha. Mere father bhi actor the, lekin wo ek alag generation se the. Mohanlal aur Mammootty aaj bhi usi tarah dominate kar rahe hain, jaise pehle karte the.”
Rajinikanth ke Saath Mulaqat ka Anubhav
Prithviraj ne ek aur Indian superstar Rajinikanth ke saath apni mulaqat ka bhi zikr kiya. Unhone kaha,
“Mujhe kuch dino pehle Rajinikanth sir se milne ka mauka mila. Main unke saath ek film banana chahta tha, lekin wo nahi ho paya. Lekin jab unhone meri film Lucifer ki tareef ki, toh wo pal mujhe hamesha yaad rehega. Main kitne awards jeeta hoon, wo yaad nahi, lekin ye sab yaad hai.”
Prithviraj ne apne shuruati dino ka bhi zikr kiya, jab kisi ne unse pucha tha ki kya wo kabhi film direct karenge. Unhone kaha,
“20 saal pehle, jab kisi ne mujhe pucha ki main kabhi film direct karunga aur star cast kaun hoga, toh maine kaha tha Mohanlal aur Manju Warrier. Aur aaj hum yahan hain.”
Empuraan: Lucifer ka Sequel
Empuraan, jo 2019 ki blockbuster movie Lucifer ka sequal hai, mein Mohanlal aur Manju Warrier lead roles mein hain. Iske alawa, film mein Tovino Thomas, Baiju Santhosh, Nikhat Khan, Saikumar, Fazil, Nyla Usha, Abhimanyu Singh, aur Sukant Goel jaise stars bhi hain.
Mohanlal Ne Prithviraj ki Tareef Ki
Empuraan trailer launch event ke daruan, Mohanlal ne Prithviraj ke liye respect aur pyaar se bhare shabdon main baat ki. Unhone kaha,
“Prithviraj India ke greatest directors mein se ek hain. Wo future mein ek force banne wale hain. Ye sirf shuruat hai. Wo cinema ke liye jeete aur saans lete hain. Warna, wo ek naughty ladka hai.”