Kuch awazein sirf suni nahi jaati, ehsoos ki jaati hain. Aur agar aapne kahbi Salt Lake Stadium mein packed crowd ke beech Mohun Bagan ka match nahi dekha, toh aap sach mein “noise” ko nahi samajh sakte. Saturday raat ISL 2025 final mein, wo noise wapas laut aayi aur kaise.
Stadium Mein 59,000+ fans… lekin shuruaat mein halka sa disappointment
Stadium mein 59,112 fans tha. Almost sabhi Mohan Bagan ke fans the. But pehle 70 minutes tak Mohan Bagan kuch khaas nahi kar paye the. Bengaluru FC ne unhe fully control me Rakha tha aur possession bhi sirf 26% tha Bagan ke pass. Chances kam the, final passes weak the aur crowd sirf “come on, kuch toh karo” wali vibe mein tha aur iske baad kuch unexpected hua…
Ek own goal ne sab badal diya… aur ek haath ne game palat diya
70th minute kea as – paas, BFC ke Alberto Rodriguez ne galti se ball ko apne hi goal mein maar diya aur stadium mein ek dam sannata chha gaya. Par phir, Jason Cummings ka cross laga Sana Singh ke haath pe – referee ne bina soche penalty de di, aur Jason Cumings ne calmly botto corner mein penalty daali aur uske baad stadium literally hila diya. Fireworks stadium ke andar bhi aur bahar bhi, even BFC owner Parth Jindal ne Twitter ki fireworks unpe gir rahe the.
Extra time mein Maclaren ka magic moment
Game 1-1 tha aur extra time shuru ho gaya tha. Fans thoda shant tha… fir Jamie Maclaren ne kuch aisa kiya jo yaadgaar ban gaya. 96th minute mein unke pass ball aaya. Ek soft touch, ek sharp turn, aur Gurpreet ke pairon ke beech se goal. Pure stadiu mein ek aisi cheekhti chillaati roar goonji jo aap TV pe mehsoos nahi kar sakte.
Bagan ka style – silent rahein, lekin finish deadly hoti hai
Bagan aise khelta hai jaise poora match kuch khaas nahi ho raha, lekin jab moment aata hai, they strike with perfection. Ashique Kuruniyan, sahal Abdul samad, Greg Stewart – ye sab late game subs the, lekin unhone full energy daal di field mein. Ye hi depth aur stardust hai Mohun Bagan ke paas.
Final Score: Mohun Bagan 2-1 Bengaluru FC
Cup, League sab kuch Mohun Bagan ke naam ho gaya. Local hero subhasish Bose ne jab trophy uthaayi, poora Salt Lake stadium phir se goonj utha. Aur waha se nikalte ho, aapke kaan abhi bhi goonj rahe hote hain us noise se. the noise, There’s truly nothing like it.Salt Lake Stadium ka Hungama – Mohun Bagan ne ISL Final jeet ke macha diya dhamaka
