Shashank Singh ne Shreyas Iyer ki Team First Soch ki Taarif ki|
Punjab Kings ke bastman Shashank Singh ne ane captain Shreyas Iyer ko jam kar tareef ki, jinhone team ke hit ko apne personal milestone se upar Rakha. Kings ki innings ke last over mein Shreyas 97* pe the, jabki Shashank strike pe the. Shashank ne final over mein 23 runs maare, lekin who Shreyas ko strike nahi de aye, jiske wajah se who apna pehla IPL century poora nahi kar paye.
“Team ko Pehle Rakhna Badi Baat Hai”
Shashank ne bataaya, “Aisa kehne mein bahut himat chahiye, kyunki T20 cricket mein, khaaskar IPL mein, century asaan se nahi banti ” Ye baat unhone Gujarat Titans ke against 11 run se jeet ke baad kahi. Shashank ne Shreyas ko century poora karne ke liye single lene ka socha, lekin Shreyas ne unhe shots maarte rahne ko kaha.
“Shreyas ne kaha – ‘Mere 100 ki chinta mat karo’”
Shashank ne kaha, “Unone mujhe bola, ‘Shashank, mere 100 ki fikar mat karo, bas har ball ko boundary ya six ke liye maaro. ‘ Isse mujhe aur confidence mila. End mein, ye team game hai, lekin aise auke pe khud se uar uthna mushkil hota hai. Par Shreyas ne ye kar dikhaya.”
“10-15 Saal Se Jaante Hain Shreyas ko”
Shashank ne kaha, “Main Shreyas ko 10-15 saal se jaanta hoon, who hamesha aise hi hain. Unhone mujhe calm rehne aur cricket shots khelne ki salah di. Bhagwan ki kripa se, humme accha finish kiya.”
Shreyas Iyer ko unki 42 ball ki unbeaten 97 (9 sixes, 5 fours) innings ke liye ‘Player of the Match’ chuna gaya.
Final Score:
Punjab Kings: 243/5 (20 overs)
Gujarat Titans: 232/10 (20 overs)
Punjab Kings won by 11 runs.
Ye match Narendra Modi Stadium, Ahmedabad mein khela gaya tha.
