Monday ko kaafi log shock mein aa gaye jab unhone apne trading apps par Siemens India ke shares mein lagbhag 50% girawat dekhi Par darrne ki zarurat nahi hai ye normal girawat hai jo ek demerger ke kaaran aayi hai.
Kya Hua Hai?
Siemens India ne apna energy business alag kar diya hai (demerger). Ab jo log Siemens India ke shareholders hain, unko naye company Siemens Enery India – ke bhi shares milenge, 1:1 ratio mein. Matlab: Agar aapke paas 1 share Siemens India ka tha, toh aapko 1 shares Siemens Energy India ka milega.
Share Price Mein Itni Badi Girawat Kyun Aayi?
Friday ko Siemens India ka Share Rs 4,939.80 par close hua tha. Monday ko opening hui Rs 2,571 par – yani lagbhag 48% ki girawat.Market ne stock se energy business ka value minus kar diya, isliye girawat dikh rahi hai. Phir share aur gira Rs 2490 tak, par uske baad 20% tak rebound karke Rs 2,998 tak chala gaya. Kuch apps mein abhi bhi 40-50% girawat dikh rahi hai, per ye technical adjustment hai – nuksan real me nahi hua hai.
Record Date Aur Dligibility
April 4 (Friday): Last date thi Siemens India ke shares kharidne ki.
April 7 (Monday): Record date hai – jisne shares hold kiye us din tak, usi ko naye energy company ke shares milenge.
Aapke demat account mein jo Siemens India ke shares honge, uske hisaab se aapko Siemens energy India ke shares milenge.
Naya Company Kab List Hoga?
Seemens Energy India ka listing process start ho chuka hai. 60-90 din lag sakte hain list hone mein (IIFL Securities ke hisaab se). June 2025 tak listing exected hai, lekin ho sakta hai India mein thoda pehle ho jaye (Nuvama Rsearch ka kehna hai).
Toh investors Kya Karein?
Panic mat karo – Girawat ek technical adjustment hai. Long term investors ke liye ye demedger ek positive step ho sakta hai. Aapko dono companies ke shares milenge, toh actual value same ya zyada bhi ho sakti hai future mein. Check karo ki apke demat mein Siemens India ke shares delivery mein hai yan ahi – sirf tabhi aap eligible honge Siemens Energy ke shares ke liya.
