Mumbai Indians (MI) ke regular captain Hardik Pandya IPL 2025 ke pehle match mein nahi khelenge, kyunki unhe one match ban mila hai. Ye ban unhe IPL 2024 ke last match mein slow over rate ki wajah se mila tha. Isliye, Suryakumar Yadav MI ki captaincy karenge, jab team Chennai Super Kings (CSK) ke against khelegi.
Hardik Pandya Ka Ban
MI ke head coach Mahela Jayawardene ne Mumbai mein ek press meet mein confirm kiya ki Hardik pehle match miss karenge. Unhone kaha, “Humhe officially bataya gaya hai ki Hardik ko pehla match miss karna hoga. Isliye, Suryakumar team ko lead Karenga.”
Hardik ne kaha ki unhe slow over rate ke consequences ka pata nahi tha. Unhone kaha,
Ye mere control se bahar hai. Pichle season mein jo hua, wo sport ka hissa hai. Humne last over ek ya do minute late kiya tha. Tab mujhe consequences ka pata nahi tha.
Ye unfortunate hai, lekin rules ke hisab se mujhe ban mila hai. Agle season mein ye rule continue hoga yan ahi, ye higher authorities par depend karta hai. Wo dekhenge ki kya best kiya ja sakta hai.
Surya India ko bhi T20s mein lead karta hai. Jab mein nahi hota, toh ye format mein ideal choice hai.”
MI ke Pehle Match ka Schedule
Pehla Match: MI vs CSK, Chennai (23 March)
Hardik ke alawa, Jasprit Bumrah bhi nahi khelenge, kyunki wo January se lower back injury se recover kar rahe hain. Bumrah ek se zyada matches miss kar sakte hain.
Dusra Match: MI vs Gujarat Titans (GT), Ahmedabad (29 March)
Hardik is match mein wapas aa jayenge.
Tehra Match: MI vs Kolkata Knight Riders (KKR), Mumbai (31 March)
Chautha Match: MI vs Lucknow Super Giants (LSG), Lucknow (4 April)
Paacnchva Match: MI vs Royal challengers Bengaluru (RCB), Mumbai (7 April)
Hardik ko Kyau Mila Ban?
Hardik ko IPL 2024 ke last league match mein Lucknow Super Giants (LSG) ke against slow over rateki wajah se penalise kiya gaya tha. Ye unka season ka teesra offence tha, isliye unhe one match ban aur 30 lakh fine mila.
IPL 2024 Mein MI ka Performance
MI ne IPL 2024 mein kharab performance dikhaya tha. Unhone 14 matches mein se sirf 4 matches jeete the aur last position par finish kiya tha.
