Cricket Sirf ek khel nahi India me ek religion hai, Isi wajah se kai movies aur biopics cricket par bani hain. Debut director Sashikant bhi isi raaste par chalte hain aur “Test” me ek Kahani batate hain jo cricket, dosti aur Zindagi ke mushkilon se bhari hai.
Story kya Hai?
“Test” ki kahani teen logon ke aas paas ghoomti hai – Indian cricketer Arjun (Siddharth), uski bachpan ki dost kumudhan (Nayanthar) aur Kumudha ke pati Saravanan (R Madhavan). Arjun – ek talented cricketer jo bad form aur team se drop hone ka dar jhel raha hai. Wo chahta hai ki India-Pakistan match me khel kar apni pehchaan wapas paaye. Kumudha – Ek teacher jo maa banne ka sapna dekh rahi hai aur IVF ke zariye pregnant hone ki planning kar rahi hai. Sravanan – ek scientist jo hydro fuel project par kaam kar raha hai, lekin Rs 50 lakh ka loan ka pressure uski Zindagi ko mushkil bana raha hai. Isi beech match fixing aur betting gang ka angle bhi film me aata hai. Teeno charecters ek dusre se kaise judte hain aur kaise inki kahani aur complicated hoti hai, wahi film ka main suspense hai.
Kya Accha Hai?
Strong Writing aur Emotional Depth – Kahani me moral aur ethical conflicts ko acchi tarah se dikhaya haya hai. Har character grey shades me hai, jisme sapne aur zimmedariyon ke beech ki ladai nazar aati hai.
Actors ki Zabardast Performances
Madhavan ka powerful performance
Siddhart ka intense acting
Nayanthara ka emotional depth
Music aur cinematography shaktishree Gopalan ka music aur Viraj Singh ki Cinematography story ko aur impactful banati hai. Cinflict Scenes – Nayantharan aur Madhavan ke scenes dil ko choo jaate hain, especially unke beech ke conflicts.
Kya Behtar Ho Sakta Tha?
Second Half Slow Aur Dragging – Jab film thriller mode me aati hai aur cricket match ka suspense shuru hota hai, tab kahani slow ho jati hai. Zyada Lamba film – 2 ghante 25 minute ka runtime thoda zyada lagta hai, especially jab kahani me zyada twists nahi hain. Editing aur Pacing – TS Suresh ka editing theek thaak hai, lekin agar kuch scenes kaat diye jaate to film tight aur engaging lagti.
Final Verdict – Dekhna Chahiye Ya Nahi?
“Test” ek strong concept aur zabardast acting performances wali film hai, lekin kahani utni griping nahi hai jitni honi chahiye. Agar aapko emotional dramas pasand hain, cricket aur Zindagi ke conflicts dekhna accha lagta hai, to yeh movie aapke liye hai.
Rating: 3.5/5
Available on Netflix – Watch it for Madhavan, Siddharth aur Nayanthara ki amazing performances.
