Jaise Koi beast Dheere Dheere apna asli roop dikhata hai, Thudarum bhi pehle thoda halka phulka lagta hai rozmarra ke kisse, halka humor, ek simple kahani Jisme taxi driver “Benz” Shanmugham apni purani car ke peeche bhaag raha hota hai, jo police ne zabt kar li hoti hai. Par jaise hi raat ka safar aur pahadon ka twist aata hai, film apna gear badalti hai. Tension Dheere Dheere build hota hai, aur film ek serious tone pakad leti hai.
Tharun Moorthy ka Naya Andaaz
Operation Java aur Saudi Vellakka ke baad logon ko Tharun Moorthy se high expections thi. Aur yeh sawal bhi tha ki kya who Mohanlal jaise superstar ke saath apna signature style maintain kar payenge? Achhi baat yeh hai ki Tharun ne balance kaafi sahi Rakha hai. Story kaafi strong hai, aur Tharun ne usme ek natural disaster ka twist bhi smartly add kiya hai, jo kahani ke liye key ban jata hai.
Mohanlan – The Legend Returns
Koi team jab baar baar haar rahi hoti hai, tab bhi fans har match dekhte hain, hoping for comeback. Aur Mohanlal ke fans ke liye yeh intezaar kaafi lamba ho gaya tha. Thudarum mein unhe ek aisa role mila hai jo unke classic andaaz ke kaafi karee bhai thoda mazaak, thodi emotion aur kaafi charisma. Film mein self deprecating humour bhi hai, jahan Mohanlal apni flop films ka mazaak udaate hain – aur yeh fans ke liye ek tasty topping ban jata hai.
Antagonist Jo Hero Ke Barabar Ka Lagta Hai
Recent films mein strong villain ki kami mehsoos hui hai, apr Thudarum mein villain genuinely powerful aur impactful hai. unki presence shanmugham ke journey ko aur engaging banati hai. but last ke 30 minutes mein film thodi predictable revenge drama ban jaati hai. Haan, Shanmugham ka past as a stunt choreographer us transitions ko thoda justify karta hai.
Kuch Misses Bhi Hain
Police brutanlity ke kuch scenes unnecessary lagte hain, especially against women and children. Symbolic portrayal hota toh zyada impact hota. Shobana ka role bhi thoda patchy likha gaya hai, unka potential pura use nahi hua. Lekin Prakash Varma aur Binu Pappu ne apne roles mein kamaal kar diya.
Rating: 3.5/5
