Aaj Subah Rajya Sabha ne Waqf (amendment) Bill 2025 ko manzoori de di, jisme 128 MPs ne haan aur 95MPs ne virodh kiya. Isse Pehle Lok Sabha bhi is bill ko paas kar chuki hai. Rajya Sabha me 12 ghante tak charcha hui, jisme alag-alag netaon ne apne vichar rakhe.
Waqf (Amendment) Bill 2025 Kya Hai?
Yeh bill Waqf properties ka better management aur transparency badhan eke liye laya gaya hai. Isme heritage sites ka surakshan aur samajik kalyan par dhyan diya gaya hai. Bill ka ek mahatvapurn uddeshya Muslim mahilao, visheshkar widwa aur talakshuda mahilao ki sthiti sudharna bhi hai. Iske alawa, Waqf Board me alag alag Muslim samradaya ka pratidhitva bhi hoga, jisse decision making aur governance better ho sake. Bill Waqf prashasan me ek secular, transparent aur accountable system lekar aane ka prayaas karta hai.
Bill Par Rajya Sabha Me Hui Charcha
Minority Affairs Minister Kiren Rajiju ne kaha ki crore Gareeb Muslims ko is bill ka fayda hoga aur kisi ka bhi nuksan nahi hoga. Unhone spasht kiya ki Waqf properties me koi chhedchhad nahi hogi. Congress ke Dr. Syed Naseer Hussain ne is bill ko misleading aur samudayik vibhajan ka ek zariya bataya. Union Home Minister Amit Shah ne Virodhi Dalon par janta ko bharmit karne ka aarop lagaya. DMK ke Tiruchi Siva aur TMC ke Mohammed Nadimul Haque ne bill ka virodh kiya aur ise samvidhan Virodhi bataya. Shiv Sena (UBT) ke Sanjay Raut aur SP ke Dr. Ram Gopal Yadav ne bhi is bill ka virodh kiya. BJP Ke Radha Mohan Das ne kaha ki Congress shasan ke dauraan Gareeb Muslims ke liye kuch nahi kiya gaya. JD(S) ke HD Devengowda ne Narendra Modi sarkar ko badhai di, aur kaha ki Waqf properties ka durupyog rokhne ke liye ye zaroori tha. BJP ke Sudhanshu Trivedi ne kaha ki ye bill Gareeb Muslims ke hit me laya gaya hai. Minister of State Ramdas Athawale ne kaha bill samvidhan Virodhi nahi hai, balki sabhi alpsankhyak samudayon ko ekta me jodta hai.
Mussalman Wakf (Repeal) Bill 2025 Bhi Hua Pass
Sandad ne Mussalman Wakf (Repeal) Bill 2025 ko bhi manzoori de di hai, jo Mussalman Wakf Act 1923 ko repeal (Samat) karta hai.
Aapka Kya Kehna Hai?
Is Bill ko lekar siyasi partiyon me alag alag vichar hain. Kya aapko lagta hai ki ye bill Gareeb Muslims ke bhale ke liye hai ya ek samajik vibhajan ka madhyam? Apne vichar comment box me zaroor likhein.
